اسلام آباد۔ 07 اگست (اے پی پی) بنجائی وزیر داخلہ محسن نقوی شاری تے آب انا سیل و سواتی آسراتی فراوان کننگ کن اسلام آباد اٹی 200 ایکڑآ تالان غٹ آن بھلا اولیکو چڑیاگھر و سفاری پارک انا منظوری ءِ تسنے۔ جم وڑاٹ 5 ہزار ساہدار، چک و چڑیا گھر و سفاری پارک اٹی تخنگک۔ بنجائی وزیر داخلہ محسن نقوی نا کماشی ٹی سی ڈی اے ہیڈکوارٹر اٹی دیوان اس اڈ ہلک ہراٹی چڑیاگھر و سفاری پارک نا جوڑ کننگ نا بابت سلاہ تا جاچ ءِ ہلنگا۔ چیئرمین سی ڈی اے محمد علی رندھاوا چڑیاگھر و سفاری پارک نا جوڑ کننگ نا پروجیکٹ نا بابت حوال ترساپارے کہ اولیکو ریسہ ٹی 2 ہزار ساہدار و چک تخنگک۔ وزیرداخلہ محسن نقوی چڑیاگھر و سفاری پارک نا ورلڈ ایسوسی ایشن آف زواینڈ ایکوریم آن رجسٹریشن کرفنگ نا و ڈٹ انا بابت امور زوت طے کننگ نا پارت کرے۔ وزیرداخلہ محسن نقوی نا پاننگ ئس کہ غٹ باندات آتے گڈیکو دروشم اس تننگے۔ اکتوبر اٹی چڑیاگھرو سفاری پارک نا بنداو ءِ تخنگک۔ چڑیاگھر و سفاری پارک آن اسلام آباد نا سیل وسوات اٹی ودکی مریک۔
