اولمپک گیمز ایتھلیٹکس ، کینیڈا نا کیمرین راجرز ویمنز ہیمر تھرو مقابلہ غاتیٹی طلائی تمغہ ءِ کٹا

پیرس۔ 07 اگست (اے پی پی) پیرس اولمپک گیمز ایتھلیٹکس اٹی کینیڈا نا کیمرین راجرز زالبول آتا ہیمر تھرومقابلہ غاتیٹی خیسن نا تمغہ ءِ کٹا۔ فرانس نا دارالحکومت پیرس اٹی اولمپکس نا دلچسپ مقابلہ غاک برجاءُ، ہراٹی شونقی تے سخت مقابلہ ہُننگ  کن ملنگ ءِ۔ زالبول آتا ہیمر تھرو مقابلہ غاتیٹی کینیڈا نا 25 سال انا کیمرین راجرز عمدہ کارکڑد نا سوب آن خیسن نا تمغہ دوئی کرے۔ کیمرین راجرز 76.97 میٹر مر ہیمر تھروکرسا گولڈ میڈل ءِ تینا پن آ کرے۔ امریکی 28 سال انا ایتھلیٹ اینیٹ ایچیکونوک 75.48میٹر ہیمر تھروخسسا ارٹ میکو پوزیشن اٹ چاندی نا تمغہ ءِ دوئی کرے وخت اس کہ چین نا 21 سال انا ایتھلیٹ ژاؤ جی 74.27میٹر ہیمر تھرو خسسا مسٹ میکو پوزیشن اٹ کانسی نا تمغہ ءِ دوئی کرے۔