ملکی شونداری کن ڈیجیٹل زرگزران المی، ویل آتا ایسر و شفافیت کن ٹیکنالوجی آن فائدہ ہرفنگ المی ءِ، بنجائی وزیر ڈٹ بندی احسن اقبال

اسلام آباد۔ 07 اگست (اے پی پی) بنجائی وزیر ڈٹ بندی احسن اقبال پارینے کہ ملکی شونداری کن ڈیجیٹل زرگزران المی، ویل آتا ایسر و شفافیت کن ٹیکنالوجی آن فائدہ ہرفنگ المی ءِ، شفافیت ، گچین طرز حکمرانی و زرگزرانی شونداری کن ڈیجیٹل ٹیکنالوجی ءِ تینا کروئی مریک۔ داخیال آتا درشانی  ءِ او چارشنبے نادے آ اولیکو نیشنل ڈیجیٹل سمٹ آن تران کرسا کرے۔ اوپارے کہ ملکی شونداری کن ڈیجیٹل زرگزران المی، ویل آتا ایسر و شفافیت کن ٹیکنالوجی آن فائدہ ہرفنگ المی ءِ، شفافیت ، گچین طرز حکمرانی و زرگزرانی شونداری کن ڈیجیٹل ٹیکنالوجی ءِ تینا کروئی مریک۔ احسن اقبال پارے کہ پوسکن آ انفراسٹرکچر، انسانی وسیلہ غاتا شونداری و ڈیجیٹل خواندگی نا مون آ دننگ کن پاکستان ءِ ڈیجیٹل ٹیکنالوجی ءِ تینا کروئی مریک، تعلیمی ادارہ و ٹیک انڈسٹری نا نیام اٹ کمکاری ءِ مون آ دننگ وخت انا اہم گرج، حکومت ورناتیٹی کسبی و ڈیجیٹل مہارت آتے مون آ دننگ کن گام گیج کننگ اٹی ءِ۔ اوپارے کہ شاری، کاروباری و سرکاری ادارہ غاتا رکھ اکن حکومت سائبر سیکورٹی نا بشخ ءِ سوگو کننگ اٹی ءِ، خلقی علاقہ غاتیٹی ڈیجیٹلائزیشن نا مون آ دننگ و اڑزآن انٹرنیٹ نا فراوانی ءِ پک کننگ کن گام گیج کننگ ءِ۔ اوپارے کہ ٹیکنالوجی نا مون آ دننگ کن حکومت و نجی بشخ ءِ زرکاری، سٹارٹ اپس و ایس ایم ایز نا است بڈی و ورناتا 65 درسد آبادی ءِ پوسکن آ کسب آن شپ کننگ نا گرج ءِ۔ اوچاہندار آتے سلہ خلک کہ او جدت آ تالان آئیڈیا پیش کیر۔