سی پیک نا رداٹ توانائی نا ڈٹ آک پاکستان اٹ بجلی نا نہاد ءِ کم کریر، چین

بیجنگ۔ 07 اگست (اے پی پی) چین پارینے کہ سی پیک نا رداٹ توانائی نا ڈٹ آک پاکستان اٹی پاکستان اٹ بجلی نا نہاد ءِ کم کریر، ہڑتوم آملک آک ہمہ موسمی سٹریٹجک شریدار و ہر ڈکھ و سکھ اٹی شریک ءُ، چین مدام پاکستان نا زرگزران ءِ شون تننگ، مخلوق نا زند ءِ گچین کننگ و مالیاتی سوگوی ءِ برقرار تخنگ نا مخ تفی ءِ کرینے۔ چارشنبے نادے آ چینی وزارت خارجہ نا ترجمان ماؤننگ میڈیا حوال اٹی پارے کہ چین و پاکستان نا شعبہ توانائی ٹی کمکاری گیشتر سلابت، اسیجائی شریدارو اواری نا اصول تیا عمل کننگ و مارکیٹ نا اصول و کاروباری کانودآتا پیروی ءِ کیرہ۔ اوپارے کہ چین پاکستان اقتصادی راہداری نا فریم ورک نا رداٹ پورو مروک آ توانائی نا ڈٹ آک پاکستان نا اُرائی توانائی ناکمتی ءِ بھاز حداسکان مر، جم بجلی نا نہاد ءِ کم و اقتصادی و راجی شونداری ءِ گچین وعڑاٹ مون آ درینو۔ ننے یقین ءِ کہ اسیجائی کوشست آتے اٹ تین پہ تینی توانائی کمکاری سوگو و مریس مدی شونداری دوئی کیک ہراڑآن ہڑتوم آ قوم تے فائدہ رسینگک۔ ماؤننگ پارے کہ فریق آک پاکستان اٹ چینی کارندہ، ڈٹ و ادارہ غاتا رکھ ءِ بھاز اہمیت ایترہ، پاکستان دا مسخت کن بھاز کاریم کرینے ہراناچین ستاءِ کیک، ننا ملک پاکستان اٹ چینی کارندہ، ڈٹ و ادارہ غاتا رکھ ءِ گچین کننگ  کن سیکورٹی کمکاری تے پین کڑمب کننگ کن تیار ءِ۔