اسلام آباد۔6اگست (اے پی پی): بنجاھی وزیر کانود، انصاف ءُ پارلیمانی کار سینیٹر اعظم نذیر تارڑ ءَ گوشتگ کہ بلدکاریں مردم آناں ڈن ملک ءَ روان دیگ ءِ واستہ مزن وزیر ءَ ٹاسک فورس ءِ جوڑ کتگ، بلدکاریں مردم آناں ڈں ملک ءَ چہ زر کٹ ءُ ملک ءَ روان دیگ ءِ ٹوھیں وسیلگ انت۔ سئے شمبے ءَ ایوان ءِ بالا ءَ جست آنی اوشت ءِ ساھت ءَ سینیٹر محسن عزیز ءِ جست ءِ پسو ءَ وزیر ءِ کانود سینیٹر اعظم نذیر تارڑ ءَ گوشت کہ بلدکاریں مردم آنی ھاٹیگ ءَ را ڈن ملک ءَ روان دیگ ءِ واستہ مزن وزیر ءَ ٹاسک فورس جوڑ کتگ، بلدکاریں مردم آنی ھاٹیگ ڈن ملک ءَ چہ زر کٹ کنگ ءُ ملک ءِ روان دیگ ءِ وسیلگ انت۔ زر امبار 33 ارب ءَ چہ گیش بوتگ انت۔ اے ھوالگ ءَ فلپائنی ماڈل ءِ سر ءَ کار کنگ ءَ انت، نرسنگ ءِ کارندہ آنی ڈن ملک ءَ گیش لوٹ انت۔ سینیٹر کامران مرتضیٰ ، سینیٹر زر قاتیمور سہروردی ءِ جست آنی پسو ءَوزیر ءِکانود ءَ اعظم نذیر تارڑ ءَ گوشت کہ پمز ءَ میڈیکل بل آنی ری ایمبرسمنٹ ءِ اچ کیس مھتل نہ انت، سرجمیں مسل آنی گوما بل آںاں زوت ادئیگی دل یکیمی جوڑ کنگ بیت۔ سینیٹ ءِ باسک ءُمزور آنی انشورنس ءِ واستہ ایوان ءِ کمیٹی جوڑ کنگ بوتگ۔ اے ھوالگ ءَ جتا جتائیں شور ءُمشور چار ءُبچار بوھگ ءَ انت۔
