اسلام آباد۔6اگست (اے پی پی):ڈیوٹی جج جوڈیشل مجسٹریٹ محمد مرید عباس خان ءَ راجی ھال رسانکی ادارگ “اے پی پی” ءَ کروڑانی کلدار ءِکرپشن کیس ءَ نامینتگیں مردم آناں گیش دو روچ جسمانی ریمانڈ ءَ ایف آئی اے ھوالگءَ کتگ۔ سئے شمبے ءَ بنجاھی پٹ ءُ پولی ادارگ ایف آئی اے ءِاینٹی کرپشن سیلءَ اے وھد ءَ پراجیکٹ ڈائریکٹر محمدغواث خان، ڈپٹی ڈائریکٹر مصور عمران ءُ چیف کمپیوٹر انجینئر سعد مدثر ءَ را سئے ر وچ جسمانی ریمانڈ سرجم بوھگ ئِ پد ءَ آمید گس ءَ پیش کنگ ءُ اے گپ گوشگ بوت کہ اے ملزم آنی بینک اکاونٹس آنی پٹ ءُ پول کنگ بچ اتگ۔ ملزم آنی ھپت روچ جسمانی ریمانڈ منظور کنگ بہ بیت۔ گوشداری ءِ ساھت ءَ اے پیپی ءِ لیگل ایڈوائزر نامداریں کانود زانت سرداسر یعقوب مستوئی ایدووکیٹ ءَ دلیل دات ءُ گوشت کہ توامیں ملزم پروکیورمنٹ کمیٹی ءِ ممبر بوتگ انت ءُ ایشاں دروگیں دست چنگل ءِ سر ءَ اے جی پی آر ءَ 60 چیک جم کتگ۔ سردار یعقوب مستوئی ءَ گوشت کہ سرکاری ادارگ ءَ ڈنگی ءَ چہ 124 ملین کلدار دزئی کنگ بوتگ۔ ملزم آں چہ سرکاری رقم ریکور کنگءِ واستہ جسمانی ریمانڈ دیگ بہ بیت۔ پریک آنی دلیل سرجم بوھگ ءَ چہ پد آمید گس ءَ سئیں ملزم آناں گیش دو روچ جسمانی ریمانڈ ءَ ایف آئی اے ءِ ھوالگ ءَ کت۔
