اسلام آباد۔6اگست (اے پی پی): مزن وزیر محمد شہباز شریف ءَ پاکستانی اتھلیٹ ارشد ندیم ءَ را اولمپکس 2024 ءِ جولین تھرو مقابلہ ءِ فائنل راونڈ ءَ کوالیفائی کنگ ءِمبارک بات داتگ۔ سئے شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشتگ کہ ارشد ندیم ءَ وتی جوانیں کرد ءُ ازمت ءَ چہ سرجمیں راج ءِ دل باج برتگ، جولین تھرو گوازی ءِ ھاترا ارشد ندیم ءِ ازمت لائک ءِ ستا انت ءُ آئیءِ ازمت ءُ کوشست ورنا آنی واستہ یک روشنائیں کشک ات۔ مزن وزیر ءَ گوشت کہ مارچ 2024 ءَ مزن وزیر کارگس ءَ ارشد ندیم ءَ گوں گند ءُ نند کنا ن ءَ دلی وشی بوتگ، پاکستان ءَ بے کساس ٹیلینٹ است انت، ایشرا گیش چرپ ءُ چانگال کنگ ءِ ضلورت انت، حکومت پاکستان ءَ میاں اوستمانی تک ءَ مقابلہ آنی تہءَ بھر زوروکیں لیبی آنی دلبڈی آناں برجا دار ائیت۔ مزن وزیر ءَ اولمپکس 2024 ءَ ارشد ندیم ءِکامیاتی ءِ واستہ دعا ءِ نیک کتگ ءُ آئی ءِواستہ نیکیں واھشت آنی درشان کتگ۔
