لاہور ۔ 06 اگست (اے پی پی) لاہور نا انسداد دہشت گردی نا خصوصی عدالت اٹی 9 مئی آ تھانہ شادمان ہُشنگ، عسکری ٹاور جلاؤ گھیراؤ نامقدمہ غاتیٹی عبوری ضمانت نا میعاد چٹنگ آ پیشی نا وخت آ مسکوہی بنجائی وزیر اسد عمر نا طب خراب مس ہرانا سوب آن اودے ہسپتال آ گدریفنگا۔ اسد عمر نا وکیل پارے کہ کمرہ عدالت اٹی اسد عمر ءِ است انا تکلیف مس۔ مسکوہی بنجائی وزیر ءِ کمرہ عدالت آن درسا مرکزی گیٹ آ ساڑی گاڈی ٹی گدریفنگا۔ زین قریشی اسد عمر ءِ ہرفسا پی آئی سی آ روانہ مس۔ داکان مست، 9 مئی آ تھانہ شادمان ہُشنگ، عسکری ٹاور جلاؤ گھیراؤ نا مقدمہ غاتیٹی اپوزیشن لیڈر عمر ایوب عبوری ضمانت نا میعاد چٹنگ آ انسداد دہشت گردی عدالت اٹ پیش مس و تینا حاضری ءِ خلفے۔
