آجوہی بنکی حک اِت، مہ اے حک ءِ گوما اوشتاتگ اَں، کشمیر ءِ سرءَ بھارتءِ ناجائن کبزہ ءَ را ہلاس کنگ مئے مول ءُ مراد ایں، عطاء اللہ تارڑ

اسلام آباد۔5اگست  (اے پی پی): حال ءُ اھیوال کاری ءُ شنگکاری ءِ  بنجاہی وزیر  عطاء اللہ تارڑ ءَ گشتگ کہ جموں ءُ کمشیر ءِ سرءَ بھارتءِ  بے کانودی کبزہ  کنگ ءِ ایچ   گپ ءِ پشت نہ کپیت، بھارتءَ 5 اگست 2019 ءِ گامگیجءِ ردءَ وتی  بے کانودی کبزہ  ءَ چہ  جموں ءُ کشمیر ءِ حاسیں ارزشتءَ را ہلاس کتگءُ کشمیری اُلس ءِ سرءَ زُلم ءُ ناحکی ءِ تہا گیشی کتگ، آجوہی بنکی حک اِت، مہ اے حک ءِ گوما اوشتاتگ اَنت، ءُ اے ناجائزایں گامگیج ء َ را ہلاس  کنگ مئے  مولءُ مراد ایں، حکومت پاکستان کشمیری اُلسءِ اخلاقی، سیاسی ءُ  سفارتی ہمراہ داری ءَ برجاہ داریت۔ اے گپ آئی ءَ دوشمبے ءِ روچءَ   بنجاہی وزیر ءُ کشمیر ءُ سیفران انجینئر امیر مقام ءِ ہمراہی ءَ  ” یوم  استحصال ” ءِ موہ ءَ  کشمیرءِ ہوالگءَ گپءُ تران کنان ءَ کتگ۔  بنجاہی وزیرءَ گشتگ کہ  کشمیر پڑءِ وزارت ءَ ” یوم استحصال کشمیر” ءِ ھوالگءَ حاسیں گامگیج چست کتگءُ یک  مزنیں مراگشے ھڈ کتگ کہ   اے بابتءَ  بنجاہی وزیر ءُ  انجینئرامیر مقام ءِ شکرءُ منتءَ گرآں۔ آئیءَ گشتگ کہ 5 اگست 2019 ءِ  بے کانودی  گامگیج ءِ ردءَ بھارتءَ وتی  ناپاکیں   کاروائی ءَ چہ جموں ءُ کشمیرءِ حاسیں ارزشت ہلاس کتگ، بزگیں کشمیری آنی سرءَ زلمءُ ناحکی  گیش کتگ،  کشمیری آنی بنکی حک  پچ گپتگ اَنت۔ آئی ءَ گشتگ کہ حکومت پاکستان ءَ دائم ءَ  بھارتءِ اے گامگیج ءَ را ایر جتگءُ کشمیری اُلسءِ اخلاقی، سیاستی ، سفارتی ہمراہ داری برجاہ داشتگ۔ آئی ءَ گشتگ کہ  مزن وزیر شہباز شریف ءَ پی ڈی ایم حکومت ءِ وہدءَ  اقوام متحدہ ءِ جنرل اسمبلی ءِ دیوان ءَ گوں تران  ءِ تہا کتگ  کہ کشمیری اُلسءَ را وت  واجہی ءِ حک دیئگ بہ بیت، اقوام متحدہ ءِ سکیورٹی کونسل ءِ تپاک نامہ  آنی سرءَ  عمل کنگ بہ بیت ءُ جموںءُ کشمیر ءِ سرءَ بھارتءِ ناحکیں کبزہ ہلاس کنگ بہ بیت۔ آئی ءَ گشتگ کہ 5 اگست 2019 ءِ  بے کانودی گامگیج  ءِ ردءَ جموں ءُ  کشمیر ءِ حاسیں ارزشت ہلاس کنگ بوتگ ءُ  اھودہ انسانی حکانی حلاپ ورزی ءِ تہا گیشی کتگ، حریت راہشونانی سرءَ زُلم ءُ ناحکی کتگ۔ آئیءَ گشتگ کہ مئے لوٹ اِنت کہ بھارت ءِ بے کانود کبزہ چہ کشمیرءِ سرءَ ہلاس کنگ بہ بیت ءُ اقوام متحدہ ءِ منظور کتگیں  تپاک نامہ آنی ردءَ بزگیں کشمیری آناں آیانی وت واجہی ءِ حک  بہ رسیت۔ آئیءَ گشتگ  کہ کشمیری اُلس ءِ قربانی ءِ داستان چہ کرنا اَستاں کہ ایشانی تہا ورنا، بزرگ، زالبول ءُ زھگاں قربانی داتگ، مرچی ہم آ  نعرہ ءَ جن اَنت کہ مہ پاکستانی اَنت ءُ پاکستان مئیگ ایں۔ آئیءَ گشتگ کہ آجوہی بنکی حک اِت، ءُ مہ اے حکءِ ہمراہ اَنت، اقوام متحدہ ءِ پتاک نامہ آنی ردءَ کشمیری اُلس ءَ را وت واجہی ءِ حک  بہ رسیت، ایشی ءِ ھاترءَ مہ ہرچ پڑءَ ہرچ تکءَ اے جدوجہدءَ برجاہ داراں۔ اے موہ ءَ  جموں ءُ کشمیرءِ سرءَ بھارتءِ بے کانودی کبزہ ءُ زُلم ءُ ناحکی ءِ سرءَ جوڑ کتگیں یک تامورے ہم پیش دارگ بوتگ۔