اسلام آباد۔5اگست (اے پی پی): مزن وزیر محمد شہباز شریف ءَ ” یوم ِ استحصال ” ءِ موہ ءَ وتی کشمیری براتءُ گہارانی گوما یکوئی ءِ درشانی کتگء ُ گشتگ کہ بھارت ء ِ نیمگءَ چہ غیر کانودی ردءَ کبزہ کتگیں جموں ءُ کشمیرءِ اُلسءَ را آیانی جائز ایں حک ، وت واجہیءِ حک بہ رسیت۔ دوشمبے ءِ روچءَ سماجی نزیکی ءِ ویب سائٹ ایکس ءِ سرءَ یک کلوہ ءِ تہا مزن وزیر ءَ گشتگ کہ آ پنچمیں ” یوم ِ استحصال ” ءِ سرءَ موہ ءَ وتی کشمیری براتءُ گہارانی گوما یکوئی ءِ درشانی ءَ کنتءُ گشیت کہ سرجمیں پاکستانی راج گوں آیاں ہم کوپگ ایں، بھارتءِ ناجائز کبزہ کتگیں جموں ءُ کشمیر ءِ مردماناں آیانی جائز ایں حک، وت واجہی ءِ حک بہ رسیت، کہ ایشی ءِ اقوام متحدہ ءِ سلامتی کونسل ءِ تپاک نامہ آنی وسیلگ ءَ آیاں گوں سوگند کنگ بوتگ۔ مزن وزیر ءَ گشتگ کہ میاں اوستمانی براتی ءَ را لو ٹ ایت کہ آ خطہ ءَ انصافءُ امنءُ ایمنی ءَ را الم کنگءِ ھاترءَ کوشست بہ کنت۔
