لاہور۔ 05 اگست (اے پی پی) پنجاب نا وزیر حوالکاری عظمیٰ بخاری پارینے کہ اینو پاکستان تون اوار مچ آ دنیاٹی رہینگوک آ پاکستانی و کشمیری برادری یوم استحصال اڈتننگ ءُ، اینو ہم کشمیری ایڑھ ایلمک بھارتی ظلم اتون مون تننگ اٹی ءُ، 5 اگست نا غیرکانودی آئین آن ایڑتر گام گیج آتا سوب آن مقبوضہ کشمیر اٹی انسانی حق انا حالیت آک پین ابتر مسنو، غٹ کشمیری خاہوت آتون پبی یکجہتی نا درشانی ءِ کینہ۔ دوشنبے نادے آ تینا برخلاف جعلی نازیبا ویڈیو اپ لوڈ کننگ نا برخلاف دائر درخواست آ سماعت آن پد لاہور ہائیکورٹ نا دنگ اٹ میڈیا تون گپ وتران کرسا اوپارے کہ ای داسہ ہم پبی جنگ تننگ اٹی اُٹ، اینو ہم کنا برخلاف پوسٹ سوشل میڈیاغا شاغنگ انگ ءِ۔ اوپارے کہ داوخت آ کنے تینا جنگ اتون مون تننگ کن مچ آ سوسائٹی نا تفنگ درکارءِ۔
