اسلام آباد۔ 05 اگست (اے پی پی) وزیراعظم نا سلاہکار کانو د وانصاف بیرسٹر عقیل ملک پارینے کہ ہندوستان نا حکومت چارمیکو جنیوا کنونشن و اقوام متحدہ نا سلامتی کونسل نا قرارداد آتا خلاف ورزی ءِ کننگ اٹی ءِ، مودی سرکار مقبوضہ کشمیر ءِ دنیا ناغٹ آن بھلا زندان اٹ بدل کرینے، کشمیر نا بڑزکو حریت سرکڑدہ غاک پدریسہ بندی ءُ و کشمیری ورناک بھارتی کوزہ گر فوج انا عدالت آن ایڑتر خون نا شست مسنو ۔ دوشنبے نادے آ وزیراعظم نا سلاہکار کانود و انصاف بیرسٹر عقیل ملک نا یوم استحصال آ کلہو اٹی پارے کہ اینو پاکستان تون اوار مچ آ دنیا ٹی رہینگوک آ پاکستانی و کشمیری برادری یوم استحصال ءِ پبی وڑاٹ اڈتننگ اٹی ءُ۔ اوپارےکہ وزیراعظم شہباز شریف اینونادے اسہ وارولدا جہانی برادری نا پراسرار چپی آ اونا ضمیر ءِ سرفینے۔ مسکوہی حکومت ہراڑے سی پیک کون آ ڈٹ آتے تورے، ہموکان کشمیرنا ویل آہم مجرمانہ چپی اختیار کرے، مقبوضہ کشمیراٹی انسانی حق انا حالیت آک تدوک آ پنچ سال اٹی سنگین وڑاٹ ابتر مسنو ، کشمیری ایڑھ، ایلم و پیہن ریشی تے سلام ءِ ہراظالم و جابر ہندوستا ن نا مقابلہ ءِ کننگ اٹی ءُ۔ سلاہکار کانود و انصاف بیرسٹر عقیل ملک پارے کہ اینو نادے بھارت ظلم و جور انا کانود نافذ کرسا مقبوضہ کشمیرنا خصوصی حیثیت ءِ چٹفیسس ولے ہمودے مراف ہراتم مقبوضہ کشمیر نا مخلوق ہم آجوئی نا ساہ اس ہلیرہ۔ پاکستان ہرجہانی فورم آ کشمیر نا ویل و بھارتی بربریت ءِ بے نقاب کرسا کیک۔
