کوئٹہ۔ 05 اگست (اے پی پی) صوبائی وزیر امور حیوانات بخت محمد کاکڑ پارینے کہ بھارت بزور بازو کشمیری تا جوزہ ءِ آجوئی ءِ چٹفنگ اٹ بے سہب مسنے، حکومت بلوچستان ہرفورم آ مظلوم کشمیری ایلم تا مخ تفیءِ برجاتخک، مودی سرکارنا کنڈآن کشمیرنا خصوصی حیثیت ءِ چٹفنگ نا گام غیرکانودی ءِ۔ داخیال آتا درشانی ءِ او ایسوسی ایٹڈ پریس آف پاکستان تون گپ وتران کرسا کرے۔ صوبائی وزیر امور حیوانات بخت محمد کاکڑ پارینے کہ 5 اگست یوم استحصال کشمیر نا وخت آ کشمیری ایڑھ ایلم تتون قول انا پوسکنی نا دے ءِ۔ ہندوستان انسانی حق انا لتاڑ، ظلم و جور آن پد ہم کشمیری تا جہد ءِ آجوئی نا تحریک ءِ لتاڑنگ اٹ بے سہب مسنے، صوبائی وزیر امور حیوانات بخت محمد کاکڑ پارے کہ اقوام متحدہ نا قرارداد آتا رداٹ کشمیر نا ویل انا آخبتی ایسر سویلی ایشیاٹی امن کن المی ءِ، مقبوضہ کشمیر نا ہر شہید ءِ سلام پیش کیوہ ، پاکستان پیپلزپارٹی و بلوچستان حکومت کشمیری تا سیاسی اخلاقی و سفارتی مخ تفی ءِ برجاتخک۔
