پاکستان وت واجئی ھک ءِرکھینگ ءِ واستہ کشمیری آناں سرجمیں  اخلاقی سفارتی ءُ سیادی کمک ءَ را  جاڑ  دار ائیت،  صدر   مملکت آصف  علی زرداری  ءِ یوم  استحصال  ءِ   درگت ءَ کلوہ

اسلام آباد۔5 اگست  (اے پی پی):صدر مملکت آصف علی زرداری  ءَ   گوشتگ کہ  پاکستان  سلامتی  کونسل   ءِ سیادی داروکیں   منوگری آنی رد ءَ  بھارت  ءِ گیر کانودی  آوار  جتگیں  مقبوضہ  جموں  کشمیر  ءِ الس   ءَ را   وت واجئی  ھک  ءِ در  جنگ ءِ واستہ   ایشی ءِ   سرجمیں اخلاقی، سفارتی  ءُ سیاسی  کمک ءَ را  جاڑی دار ائیت،  بھارت   مقبوضہ  جموں کشمیر ءِ آباتی  کوکا ءُ سیاسی   جاور آنی مٹ  کنگ ءِ واستہ   5 اگست   2019  ءَ چہ  یک شلیں  گامگیج ءِ  بنگیج  کتگ۔  جموں کشمیر ءَ ڈن ءِ مردم آناں   ڈومیسائل سرٹیفیکیٹ  ءِ بنگیج،  ووٹر لسٹ آنی ادارکی  ریزیڈنٹ  اندراج ، اسمبلی  حلقہ آنی تہ ءَ مٹ   کنگ ءُ  زمین ءُ جائیداد ءِ ملکیت  ءِ کانود    ءَ مٹ ءُ بدل  کنگ ءِ گامگیج   ارزشتی ایں  بھر انت۔  اے توامیں گامگیج  یونائیٹڈ  نیشن   ءِ سلامتی کونسل   ءِ منوگری  ءُ چارمی  جنیوا کنونشن    ءَ ھوار  میاں اوستمانی کانود آنی لگت مالی انت۔ آئی ءَ گوشت کہ مرچی مقبوضہ جموں   کشمیر   ءِ سر ءَ بھارتی گیر کانودی کبزہ  ءَ را  برجم  کنگ ءِ  گامگیج ءَ را  پنچ  سال   بوھگ ءَ انت،  گیر کانودی   رنگ ءَ بھارت ءِ نیمگ ءَ آوار جتگیں   جموں  کشمیر   ءِ   میاں  اوستمانی  تک  ءَ  تسلیم کتگیں  منوگری  آناں  میاں اوستمانی تک ءَ   تسلیم  بوتگیں  جیڈھ  آناں  ھمزور کنگ  ءِ واستہ مرچی ءَ چہ  5 سال  ءَ   یسر  بھارت ءَ  بازیں  یک نیمگی ءُ گیر کانودی  اگامگیج چست کتگ ۔  صدر   مملکت ءَ گوشتگ کہ لکھانی  بھارتی  فوجی  آنی  یک شلیں  موجودگی  ءِ سبب   ءَ    مقبوضہ  کشمیر   دگنیا  ءِ درستاں چہ  گیش اردی   دمگ آں چہ یک ات۔  جموں  کشمیر  بنی آدمی  ھک  آنی لگت مالی  ءَ گوں  دست مانجن ا نت ایشرا   مزنیں کساس ءَ   مذمت  کنگ بوتگ۔  آئیءَ گوشت کہ  کشمیری  اھوالکار  ءُ بنی آدمی  ھک   آنی  پھریزوک   آنی گوما   ناروائیں سلوک  اختلافی گوانک  ءَ را  ھاموش کنائینگ ءِ واستہ  بھارت   کجام   ھم   ھد ءَ شت کنت۔  صدر  مملکت ءَ گوشتگ کہ  بھارت    5 اگست   2019   ءَ  بگر  تاں   انوگ ءَ تاں   گامگیج   آں  چہ  میان اوستمانی  کانود،  کشمیری الس  آنی واھشت    ءُ  یونائیٹڈ  نیشن  ءِ سلامتی  کونسل ءِ منوگری   آنی سرجمیں  بے  شرپی    ءَ  کنگ ءَ انت۔    بھارت ءِ توکی   کانود  سازی ءُ آمید گس آنی پیسلہ   کشمیری   الس آنی  ساپ ءُ سلہ ایں جہد  ءُ  کوشست  ءَ را  ڈگار ءَ جت  نہ کنت۔  آئیءَ گوشت کہ گوستگیں ھپتگے ءَ چہ  کشمیری الس  یونائیٹڈ  نیشن ءِ  نیمگ ءَ   چہ وتی سوگند   آناں  سرجم کنگ ءَ وداریگ ا نت۔   میاں اوستمانی  برات  بھارت   ءِ سر  ءَ  زور پر  دنت  کہ آ مقبوضہ جموں  کشمیر  ءَ بنی آدمی ھک آنی لگت مالیءَ را   بند بکنت   ءُ سلامتی کونسل ءِ  منوگری آنی  پد ءُرند ءَ  بکنت۔  صدر  آصف  علی زرداری   ءَ  پاکستان ءِ    بن گپ  ءِ   درشان  کت    ءُ گوشت کہپاکستان سلامتی کونسل  ءِ  سیادی داروکیں   منوگری آنی رد ءَ جموں کشمیر ءِ الس آنی  بے دروریں  وت واجئی ھک ءِ   در جنگ  ءِ واستہ  جوانیں  جہد  ءُکوشست  ءِ سرجمیں اخلاقی  ، سفارتی   ءُ سیاسی  کمک  ءَ را  برجا  دار ائیت۔