کشمیری تا حق خودارادیت نا انصاف اٹ جہد اٹ اوفتا قربانی تے خراج تحسین پیش کینہ، رانا تنویر حسین

اسلام آباد۔ 05 اگست (اے پی پی) بنجائی وزیر صنعت وپیدوار و نیشنل فوڈ سیکورٹی رانا تنویرحسین کشمیری تتون یکجہتی نا درشانی ءِ کرسا پارینے کہ 5 اگست 2019 ء آ بھارت نا غیرکانودی و اسہ کنڈی گام گیج نا 5 سال پورو مننگ نا وخت آ نن کشمیری تا حق خودارادیت نا انصاف اٹ جہد اٹی اوفتا قربانی تے خراج تحسین پیش کینہ۔ دوشنبے نادے آ وزارت نا کنڈآن جاری بیان اٹی اوپارے کہ بھارت نا 5 اگست نا گام گیج اقوام متحدہ نا سلامتی کونسل نا چندی قراردادآتا خلاف ورزی ءِ ہرافتے ٹی داپاننگاسس کہ ریاست جموں وکشمیر نا آخبت نا گڈیکو فیصلہ کشمیری الس نا مرضی نا رداٹ آجو، بے کنڈ ہلوک و اقوام متحدہ نا چاروکی ٹی رائے شماری نا کمک اٹ کننگک۔ اومستی پارے کہ کشمیری بھارت نا غیرکانودی و غاصبانہ کوزہ نا برخلاف بے مٹ قربانی تننگ ءُ، بھارت غیرکانودی وڑاٹ کوزہ جموں وکشمیر اٹی سفاکانہ کارروائی تے اٹ اقوام متحدہ نا قرارداد و جہانی کانود نا خلاف ورزی ءِ کننگ ءِ ہراڑآن سویلی ایشیا و ڈیہہ اکن بھلو مضمر اسے۔ اوپارے کہ اقوام متحدہ نا سلامتی کونسل نا قرارداد و کشمیری الس نا است خواہی تا رداٹ جموں وکشمیر نا جھیڑہ نا ایسر ڈیہہ اٹی پائیدار امن و سوگوی ءِ پک کننگ نا اسٹ انگا کسر ءِ۔ بنجائی وزیر رانا تنویر حسین پارے کہ نن مقبوضہ کشمیر نا غٹ شہیدآتے اوفتا بے مٹ قربانی و اوفتا خاہوت ءِ اوفتا عزم و حوصلہ کن پبی خراج عقیدت پیش کرسا پاکستان تینا ایلم، ایڑھ تا توار جوڑ مرساکیک و اوفتا روا حق انا دوئی کننگ کن ہرممکن کمکاری فراوان کیک۔