اسلام آباد۔ 05 اگست (اے پی پی) وزیراعظم محمد شہباز شریف یوم استحصال آ کشمیری ایڑھ ایلم تتون یکجہتی نا درشانی ءِ کرسا پارینے کہ بھارت نا غیرکانودی کوزہ ٹی جموں وکشمیر نا الس ءِ اوفتا روا و ناقابل تنسیخ حق، حق خودارادیت بایدے ملے۔ دوشنبے نادے آراجی رابطہ نا ویب سائٹ ایکس آ اسہ کلہواسے ٹی وزیراعظم پارے کہ او پنچ می یوم استحصال آ تینا کشمیری ایلم و ایڑھ تتون بدل مفروک یکجہتی نا درشانی ٹی مچ آ پاکستانی قوم اتون تفوک ءِ، بھارت نا غیرکانودی کوزہ ٹی جموں وکشمیر نامخلوق ءِ اوفتا روا وناقابل تنسیخ حق، حق خودارادیت بایدے تننگے، ہرانا اقوام متحدہ ناسلامتی کونسل نا قرارداد آتا کمک اٹ اوفتے تون قول کننگانے۔ وزیراعظم پارے کہ جہانی برادری ءِمرے کہ او ڈیہہ اٹی انصاف و امن ءِ پک کننگ کن کوشست کے۔
