کوئٹہ۔ 05 اگست (اے پی پی) پاکستان مسلم لیگ (ن) نا مرکزی سینئر راہشون چوہدری نعیم کریم پارینے کہ بھارت چائے اخس کہ ظلم کے او کشمیری تے آجوئی نا جہد آن دزکش کننگ کپک ، اقوام متحدہ و سلامتی کونسل نا قرارداد آتیا عملدرآمد کرسا کشمیری الس ءِ اوفتا حق تننگے، ظلم انا برخلاف پاکستانی قوم کشمیری الس تون سلوک ءِ و ظلم انا چٹفنگ و کشمیری الس نا حق خودارادیت نا دوئی کننگ اسکان اوفتے تون سلوک ءِ۔ داخیال آتا درشانی ءِ یوم استحصال نا وخت آ تینا جاری کروک بیان اٹی کرے۔ اوپارے کہ بھارت نا کنڈآن مقبوضہ جموں وکشمیر نا جہانی وڑاٹ امنا مروک جھیڑہ ئی حیثیت و کشمیری آبادی نا کچ ءِ بدل کننگ نا غیرکانودی و اسہ کنڈی عمل ءِ 5 سال پورو مننگ آ مچ آپاکستان نا الس سراپابرانز کننگ ءُ و بھارت نا دابدترین لتاڑنا ترندی اٹ مذمت ءِ کیرہ۔ اوپارے کہ 5 اگست 2019 ءِ تہاردے انا وڑاٹ اڈتننگک ہراتم بھارت سلامتی کونسل نا قرارداد آتے پدپشت تخسا جہانی نا اسُل خلاف ورزی ءِ کرے وکشمیر نا دامان ءِ دنیا نا غٹ آن بھلا زندان اٹ بدل کرے۔
