اے پی پی  ءَ کروڑانی کلدار ءِ کرپشن  کیس ءَ نامینتگیں  مردم آناں سئے روچی  ریمانڈ    ءَ   ایف آئی  اے ءِ ھوالگ

اسلام آباد۔3اگست  (اے پی پی):ڈیوٹی جج جوڈیشل مجسٹریٹ شہزاد خان  ءَ  راجی  ھال رسانکی ادارگ   اے پی پی  ءَ کروڑانی کلدار ءِ کرپشن  کیس ءَ  نامینتگیں   مردم  آناں سئے روچی  جسمانی  ریمانڈ    گرگ ءِ واستہ  ایف آئی ءِ ھوالگ ءَ   کتگ۔   شمبے ءِ روچ ءَ  بنجاھی    پٹ ءُ پولی ادارگ  ایف آئی اے ءِ اینٹی  کرپشن  سیل ءَ   محمد  غواث    خان (پراجیکٹ ڈائریکٹر)، ‏ مصور عمران (ڈپٹی ڈائریکٹر ) ءُ   سعدمدثر (چیف کمپیوٹر انجینئر)  ءَ   را  سئے روچ ءِ واستہ جسمانی ریمانڈ  ھلاس بوھگ ءِ پد ءَ   آمید گس ءِ دیم ءَ  پیش  کنگ بوتگ   اے ساھت ءَ اے لیکہ  پیش کنگ بوتگ کہ  گیش پٹ  ءُ پول پکار انت،  ایشاناں  14 روچ جسمانی ریمانڈ  منظور کنگ بہ بیت۔  گوشداری ءِ ساھت ءَ اے پی پی ءِ لیگل ایڈوائزر  نامداریں کانود زانت  سردار یعقوب مستوئی  ایڈوکیٹ  ءَ دلیل دات کہ  اے مردم  پروکیورمنٹ  کمیٹی ءِ ممبر انت۔  ایشانی دروگ  بستگ ءُ  سرکاری ھزانگ ءَ را  124 ملین  کلدار  ءِ تاوان  پجارینتگ۔   اے مردم آں چہ سرکاری زر آنی کشگ ءِ واستہ  گیش  جسمانی ریمانڈ  دیگ  بہ بیت۔  اے مردم آنی وکیل ءَ جسمانی  ریمانڈ   ءِ ھلاپ  کت۔  دلیل آنی سرجم بوھگ ءَ چہ پد سئیں ملزم آناں  گیش سئے روج  جسمانی ریمانڈ  ءِ واستہ  ایف آئی اے   ھوالگ  کنگ بوت۔