بلاول بھٹو زرداری نا ملک انا چندی بشخ آتیٹی پِر تیان مروک آ جونی و مالی نسخان تیا است ہسونی نا درشان

کراچی۔ 02 اگست (اے پی پی) پاکستان پیپلزپارٹی نا چیئرمین بلاول بھٹو زرداری ملک انا چندی بشخ آتیٹی پِر تیان جونی ومالی نسخان تیا است ہسونی نا درشانی  ءِ کرینے۔ میڈیا سیل آن جاری بیان اٹی او پارےکہ ساڑی آ پِر تیٹی غٹ آن زیات جونی نسخان صوبہ خیبرپختونخوا ٹی مسنے، بیرہ کوہاٹ اٹی 10 بندغ زوال کرینو، خیبرپختونخواہ ٹی پِر زہمی بے یارومددگار ءُ۔ بلاول بھٹو زرداری پارینے کہ پیپلزپارٹی نا اسمبلی نا باسک آک پِر تیٹی تینا حلقہ غاتیٹی ساڑی سلر، سندھ و بلوچستان اٹی وزیر، اسمبلی نا باسک و بلدیاتی زموار کمکی کاریم تا چاروکی ءِ کیر، پک کننگے کہ اسہ زہمی اس ہم امداد آن محروم سلپ۔ بلاول بھٹو زرداری پارے کہ پِر انا خلوق علاقہ گاتیٹی جیالہ غاک ضرورت مند بندغ و زہمی تا کمک کن مون آ بریر، پیپلزپارٹی نا عہدیدار و کارندہ غاک پِر انا زہمی تا کمک ءِ کننگ کن متحرک مریر۔ اواومیت ظاہر کرے کہ حکومت پنجاب پِر انا زہمی تا بے پرخ و وخت آ کمک ءِ پک کیک۔