مزن  گسءَ اسماعیل ہنیہ ءِ  غائبانہ  نماز جنازہ ءَ مزن وزیر ءُ ایندگہ باسک ہوار بوتگ اَنت،

اسلام آباد۔2اگست  (اے پی پی): مزن  گس ءَ پیسرگیں فلسطینی مزن وزیر اسماعیل ہنیہ ءِ غائبانہ نماز جنازہ وانگ بوتگ۔ نماز جنازہ ءَ مزن وزیر شہباز شریف ، نائب مزن وزیر ء ُ دری کارانی وزیر اسحاق ڈار، راجی اسمبلی ءِ اسپیکر سردار ایاز صادق ، حال ءُ اھیوال کاری ءِ بنجاہی وزیر عطاء اللہ تارڑ، کانودءِ بنجاہی وزیر نذیر تارڑ، پاکستان پیپلز پارٹی ء ِ باسک ءُ پیسرگیں مزن وزیر ءُ پیسرگیں راجی اسمبلی ءِ اسپیکر راجہ پرویز اشرف، سید نوید قمر، پی ٹی آئی ءِ راہشون بیرسٹر گوہر علی خان، عامر ڈوگر ءَ ہوار بازیں سیاسی گلاں چہ سیادی داروکیں مزن گسءُ راجی اسمبلی  ءُ سینیٹءِ افسرءُ ملازم ءُ میڈیا ءِ نمائندگ ہوار  بوتگ اَنت۔ نماز جنازہ مزن گسءِ جامع مسیت ءِ خطیب مفتی احمد الرحمن ءَ وانینتگ۔ اے موہءَ اسماعیل ہنیہءِ ارواح ءَ را  ثواب بکشاہگءِ ھاترءَ ءُ فلسطینء ِ آجوہی، فلسطینی اُلس ءِ  جیڑ ءُ جنجالءِ ہلاسی ءُ امت مسلمہ ءِ یکوئی ءِ ھاترءَ ہم حاسیں دعا کنائینگ بوتگ۔