صہیونی ریاست انسانیت ءِ حلاپ ءَ  باز زُلم ءُ ناحکی کنگ ءَ ایں،  بزگیں فلسطینی آناں زوتاں  چہ زوت انسانی ہمدردیءِ بنیاتءَ تاں کمک ءَ سربوھگ الم کنگ بہ بیت، مزن وزیر

اسلام آباد۔2اگست  (اے پی پی): مزن وزیر محمد شہباز شریف ءَ گشتگ کہ ماں  فلسطین ءَ صہیونی ریاست انسانیت ءِ حلاپءَ  بازیں زُلمءُ ناحکی کنگءَ ایں ، مہ لوٹ کناں کہ دستءُ گوشیں فلسطینی آناں زوتاں چہ زوت انسانی ہمدردی ءِ بنیاتءَ تاں کمک ءَ سربوہگ الم کنگ بہ بیت، او آئی سی ءِ  پلیٹ فارمءَ را گیش  گشاد  کنگ بہ بیت، میاں اوستمانی آمید گس  انصافءِ پیسلہ، اقوام متحدہ ءُ سلامتی کونسل ءِ تپاکہ نامہ ، جینوا کنونشن ءُ انسانی حکانی تنظیم آنی جار، سرجمیں دنیاءِ نیمگءَ چہ جنگ بندی ءِ دزبندی، درست بمب ءُ ٹوپانی دیما بے معنا بوتگ اَنت، دنیاءِ سرءَ    بمب ء ُ  ٹوپ ءِ بادشاہی ایں، دنیاءِ امنءُ ایمنی ءُ دیمروئی ءَ را اے گامگیجاں چہ ھترہ ایں۔ میاں اوستمانی  ادارگ ءُ دنیا ایشی ءِ سرءَ  گامگیج چست بہ کنت۔ جمعہ ءِ روچءَ راجی اسمبلی ءَ گوں تران  کتگءُ مزن وزیر محمد شہباز شریف ءَ گشتگ کہ یک انچیں  وہد اِت کہ  سرجمیں پاکستان ءُ عالم اسلام  تہران ءَ اسماعیل ہنیہ ءِ شہادتءِ سرءَ ارس ریچگءَ اِنت، اے وشیں گپ اِت کہ اے  شرپ مندیں ایوان  ہم تپاکی ءَ گوں  تپاک نامہ آھورتگ، ایشی ء ِ سرءَ حکمران یکوئی ءَ ہوار گل ءُ متحدہ  اپوزیشن  درستانی منت وار اَنت۔ آئیءَ گشتگ کہ  ما بہادریں فلسطینی آنی گوما سرجمءَ یکوئی ءِ درشانی ءَ کناں کہ راج دپترءِ بدتریں زُلم ءُ ناحکیءِ دیمپانی ءَ کنگءَ اَنت، فلسطین کمیلہ   جوڑ بوتگ، صہیونی ریاست 9 ماہءَ چہ کشتءُ حون کنگءَ ایں ءُ 40 ہزارءَ چہ گیش زھگ، زالبولاں ہوار فلسطین آناں  شہید کنگ بوتگ، فلسطین ءَ  ھلک ءُ دمگ کبرستان جوڑ بوتگ اَنت، اھودہ زھگانی کندگءُ لیب ءُ گوازی ءِ توار بوتگ ، نوں اِدءَ جاک ءُ کوکارءُ ہرچ نیمگءَ حون ریزی ءُ انسانیتءِ حلاپءَ زلمءُ ناحقی  کنگ بوھگءَ ایں۔ اے زُلم ءُ ناحکی کدی ہلاس بیت۔ آئیءَ گشتگ کہ اے فلسطینی جنک زھگ ءِ توارمئے گوشانی تہ ءَ توار کنگءَ ایں کہ  آئیءَ  گشتگ کہ مارا مسلمان بوھگ، یک  حدا، یک رسول  ءُ یک قرآن ءَ را منگءِ  سزاءَ کُشگ بوہگءَ اِنت۔ مزن وزیر ءَ  گشتگ کہ راستیں جست اے انصاف ایگ اِنت کہ آئیءِ  دُرایں  راھبندانی سرءَ آیانی چارٹر جوڑ کنگ بوتگ اَنت، دنیاءَ را انصافءِ جاگہ جوڑ کنگءِ وشیں حال ہشکونائینگ بوتگ، مرچی اے انسانانی ھون  انصافءِ لوٹءَ کنگءَ ایں۔ آئی ءَ گشتگ کہ مرچی میاں اوستمانی ضمیر  مرچی وت کٹہرے ءَ مجرم ءِ وڑءَ اوشتاتگ،  یک نہ روچے ایشی ء ِ پسو دئیگ لوٹ ایت۔ وہدے بے گناہ انسانانی ھلکءُ دمگ ھون ءُ حاک ءِ تہا بار دئیگ بوہگءَ اَنت۔ وہدے اقوام متحدہ ءُ میڈیا ءِ کارگس، نادراہ جاہ ءُ  وانگجاہ  رستری ءِ   نشانگ جوڑ کنگ بہ بنت گڑا جست واہ چست بنت، صبرءُ ا و پارءِ ہلاس بنت۔آئیءَ گشتگ کہ  پہ کبودر  ءِ وڑءَ چمانی بند کنگءَ کار نہ بیت، 31 جولائی ءَ اسماعیل ہنیہ ءَ را ہما وہدءَ شہید کنگ بوتگ کہ وہدے کہ آ تہران ءَ ایران ءِ نوک  گچین بوتگیں  صدر ءِ سوگند چست کنگءِ مراگش ہوار بوھگءِ ھاترءَ ساڑی بوتگ، اے امن ءُ ایمنی ءِ کوشستاناں تباہ کنگ  ایں۔ آئی ءَ گشتگ کہ پاکستان ءِ  حکومت ءُ اُلسءِ نیمگءَ چہ اے کوشءَ را سک باز  ایر جنگ بوتگ ءُ شہیدءِ پُشپدءُ  فسطینی اُلسءَ گوں یکوئی ءِ درشانی کنگ بوتگ۔ مزن وزیر ءَ گشتگ کہ  اے  سال 10 اپریل ءَ اسماعیل ہنیہ ءِ 3 بچ ءُ 4 نماسگ شہید کنگ بوتگ اَنت، دنیاءِ راج دپترءِ تہا ایشی ءَ چہ مستریں زُلم ءُ ناحقی ءِ داستان  نہ کدی ہشک کتگءُ نہ  دیستگ،  ایشی ءَ چہ مستریں قربانی ءِ  ایچ دگہ داستان بوت نہ کنت۔ آئیءَ گشتگ کہ مرچی 2 اگست ءَ سرجمیں پاکستان ءَ پُرس دارگ بوہگءَ ایں ، اے  پیسلہ ہم  کنگ بوتگ کہ پاکستان فسطین ءَ  را کمکی سامان ءِ دیئگءَ را بند نہ کنت ءُ بزگیں فلسطینی آنی ھاترءَ طبی آسراتی ءِ سرکنگءِ ھاترءَ گامگیج چست کنت، ٹپیگاناں علاج ءِ ھاترءَ  پاکستانءَ  آرگ بیت، ما  پیسلہ کتگ کہ  فلسطینی  نودبراناں آیانی وانگءُ زانگءَ برجاہ دارگءِ ھاترءَ پاکستان ءِ میڈیکل  شاہ دربرجاہ آں داخلہ دئیگ بیت۔ مزن وزیرءَ گشتگ کہ مہ لوٹ کناں کہ فلسطینی  آناں زوتاں چہ زوت انسانی ہمدردی ءِ  بنیاتءَ تاں کمک  ءَ سربوہگ المی کنگ بہ بیت۔ او آئی سی ءِ پلیٹ فارمءَ را گیش گشاد کنگ بہ بیت۔ مزن وزیرءَ گشتگ کہ جمعہ ءِ نمازءَ پد  سرجمیں ملکءَ اسماعیل ہنیہ ءِ   جنازہ وانگءِ  دزبندی کنگ بوتگ، فلسطینی  آں گوں یکوئی ءِ درشانی کنگءِ ایوان ءَ تپاکی ءِ گوما تپاک نامہ ہم منظور کتگ ۔ مزن وزیر ءَ گشتگ کہ پاکستان  ءِ سفارتی پالیسی  قائداعظم محمد علی جناحؒ  ءِ  محکمیں لیکہ ءِ بنیاتءَ مرچی ہم برجاہ اِنت۔