اسلام آباد۔12جون (اے پی پی): مزن وزیر محمد شہباز شریف ءَ گشتگ کہ ما ملک ءَ را معاشی جیڑہءُ جنجالاں چہ درکتگءُ محکمی ءِ نیمگءَ رھادگ کتگ ءُ وتی سیاست ءَ را قربان کتگءُ معیشت ءَ رکینتگ، پاکستان ءِ معاشی محکمی ءِ ھاترءَ مارا شپءُ روچ محنت کنگ لوٹ ایت، براتیں ملک ءُ زرکاراناں حکومتءِ معاشی پالیسی آنی سرءَ درملکی زرکارانی گیش بوتگیں اوست حکومتی ٹیم ءِ محنت ءِ برورد اِنت۔ اے ھیالانی درشانی آئی ءَ چارشمبےءِ روچءَ مزن گسءَ مسلم لیگ (ن) ءِ مزن گسی پارٹی ءِ دیوان ءَگوں تران کنانءَ کتگ۔ مزن وزیر کارگسءِ میڈیا ونگءَ چہ شنگ بوتگیں بیانءِ ردءَ دیوان ءَ مزن وزیر ءَ مزن گسی پارٹی ءَ را بجٹءِ حوالگءَ اوستءِ تہا زُرتگ۔ مزن وزیر ءَگشتگ کہ اللہ رب العزت ءَ منءَ دومی رندءَ پاکستان ءِ ازمت کنگءِ زمہ واری داتگ گڈا راج ءِ جیڑہ ءُ جنجالاں ہلاس کنگءِ جزم کتگ۔ مزن وزیرءَ گشتگ کہ اے ملک ءِ پوریاگر، دھکان ءُ پگار گریں تبکاناں ریلیف دیئگءِ ھاترءَ گامگیج کناں۔ مزن وزیرءَ مزن گسی پارٹی ءِ باسکاناں پنتءُ شون کتگ کہ آ بجٹ دیوانءَ سرجمءَ بہر بہ زوراں ءُ وتی سوجاں پیش بہ کناں، بجٹءِ ھوالگءَ دروگءُ پندل ءِ اثر مندیں پسو بدے اِت۔ آئیءَ گشتگ کہ پاکستان ءِ معاشی محکمی ءِ ھاترءَ مارا شپءُ روچ محنت کنگ لوٹ ایت، راجءَ را جانءُ سلامتی ءِ بنکی آسراتی، وانگءُ زانگءُ دیمروئیءِ یک وڑیں موہ دیئاں۔
