اسلام آباد۔ 21 جون (اے پی پی) گدرینگوک آ مالی سال انا مقابلہ ٹی اینخو مالی سال 2016-17ءٹی بینک آتا کنڈآن نجی بشخ ئِ جاری کروک وام تا کچ اٹی 110 درسد آن زیات نا ودکی مسنے۔ اسٹیٹ بینک آف پاکستان نا حساب وکتاب نا رداٹ اینخو مالی سال اٹی یکم جولائی 2016ءآن 2جون 2017ءٹی بینک آتا کنڈآن نجی بشخ و صارف آتے 525.1ارب روپئی نا کڑز جاری کننگانے وخت اس کہ گدرینگوک آ مالی سال انا ہنداوخت اٹی تروک آ کڑز آتا کچ 249.6ارب روپئی ریکارڈ کننگاسس۔ ہندا وڑ گدرینگوک آ مالی سال انا مقابلہ ٹی اینخو مالی سال اٹی بینک آتا کنڈآن نجی بشخ و انفرادی صارف آتے جاری کروک آ کڑزآتا کچ اٹی 110.3 درسد نا ودکی ریکارڈ کننگانے۔ رپورٹ نا رداٹ ملک اٹی معاشی سرجزآتا مون آ دننگ و کم شرح سود انا سوب کڑز آتا فراوانی ٹی ودکی مسنے وخت اس کہ ملک اٹی کاروباری چاگڑد نا گچینی و شونداری ہم دابابت کمکار جوڑ مسنے۔
