اسلام آباد۔ 21جون (اے پی پی) اینخو مالی سال اٹی جنوری آن مئی 2017ءٹی تھری جی صارف آتا کچ اٹی اوسط ماہانہ 0.37ملین نا کمتی واقع مسنے وخت اس کہ فورجی صارف آتا کچ اٹی 2.33 ملین نا نمان ودکی ریکارڈ کننگانے۔ پاکستان ٹیلی کمیونیکیشن اتھارٹی (پی ٹی اے) نا حساب وکتاب نا رداٹ جنوری آن مئی 2017ءٹی جیز، ٹیلی نار و یوفون نا تھری جی صارف آتا کچ اٹی کمتی وخت اس کہ زونگ انا صارف آتا کچ اٹی 1.54ملین نا ودکی مسنے۔ رپورٹ نا رداٹ جنوری آن مئی 2017ءٹی انٹرنیٹ نا آسراتی آن فائدہ ہرفوک آ 1.83ملین تھری جی صارف زونگ آن فائدہ ہرفنگ ئُ۔ رپورٹ نا رداٹ مئی 2017ءٹی تھری جی انٹرنیٹ نا آسراتی آن فائدہ ہرفوک آ جم اٹنگا صارف آتیان 24 درسد زونگ، 34درسد جیزوخت اس کہ 13 درسد یوفون و ٹیلی نار انٹرنیٹ کاریم اٹ اتوک آ صارف آتا تناسب 29 درسد ریکارڈ کننگانے۔
