ریاض۔ 21جون (اے پی پی) سعودی عرب و عراق انتہاءپسندی تون مون تننگ ، دہشت گردی و اونا غٹ دروشم آتون جنگ و دہشت گردی نا مالی ذرائع نا چٹفنگ کن اسیجائی کوشست آتیٹی ترندی اتنگ آ اتفاق کرینو۔ ذرائع نا رداٹ سعودی عرب نا فرمانرواشاہ سلمان بن عبدالعزیز و عراقی وزیراعظم حیدرالعبادی نا نیام اٹ ریاض اٹی مروک آ اوڑدہی ٹی دا اتفاق رائے مسنے۔ اوہڑتوم آ کنڈآتا تعلقداری نا مون آ دننگ آ خیال آتا درشانی ئِ کرینو و ہڑتوم آ ملک آتا نیام اٹ مذہب، ایلمی و گچین ہمسائیگی نا تعلقداری نا عزم انا اعادہ ئِ کریر۔ ہڑتوم آ راہشون تا نیام اٹ اوڑدہی آن پد جاری کروک بیان اٹی پاننگانے کہ او طرفین نا نیام اٹ خنوک آ جوڑ جاڑی رویہ، ساڑی سیاسی حالیت، عرب و اسلامی قوم تے مون تروک سیکیورٹی نا چیلنج آتون اوار چندی معاملہ غاتیا خیال آتا درشانی ئِ کرینو۔
