ٹوکیو۔ 20 جون (اے پی پی) جاپان نا کابینہ نا سیکرٹری یوشی ہیدے امریکی سیلرز آتا چیف اتون بحری جہاز ’یو ایس ایس فٹز جیرالڈ نا شکست و تپاخت آتیا ہڑزخواہی نادرشانی ئِ کرینے۔ جاپان نا ذرائع ابلاغ نا رداٹ ٹوکیو ٹی پریس کانفرنس آن تران کرسا جاپان نا کابینہ نا سیکرٹری یوشی ہیدے سوگا امریکہ بحری جہاز یو ایس ایس فٹز جیرالڈ و کنٹینر بردار بحری جہاز نا نیام اٹ ڈوک لگنگ آن تپاخت کروک آ سیلرز آتے کن ہڑزخواہی نا درشانی و ٹھپی تا زوت جان جوڑی کن دعا کرینے۔ اوپارے کہ جاپانی کمامدارآک دامعاملہ نا جاچ ئِ ہلنگ ئُ و امریکہ نا کمک آن معلومداری یکجا کننگ انگ ئِ۔ اومستی پارے کہ تفتیش کار شکست ناسوب ئِ معلوم کننگ نا کوشست کننگ ئِ۔ اسہ سوج اسے نا ورندی ئِ ترسا اوپارے کہ جاپان ہرکہول آ جہانی برادری تون اوار ی اٹ کاریم کرسا کیک و ملک انا الس نا سلامتی ئِ ہم المی جوڑ کیک۔
