سیﺅل ۔ 20 جون (اے پی پی) سویلی کوریا نا صدر مون جی ان جوہری توانائی ئِ ہلنگ نا پارت تس۔ سویلی کوریا نا ذرائع ابلاغ نا رداٹ سئیول اٹی اڈ ہلوک آ ملک انا اولیکو جوہری بجلی گھر ئِ بند کننگ نا دود آن تران کرسا صدر مون جی ان پارے کہ او مدئِ پورو کروک آ جوہری بجلی گھر تا میعاد اٹی ودکی کپک و ہچ ئُ پوسکن ئُ بجلی گھر اسے نا جوڑ جاڑ ئِ کننگ پننگک۔ اوپارے کہ دافتا ہدف جوہری توانائی نا پورو خاتمہ و گچین کاری مہم اٹی کروک آ وعدہ نا پوروی ئِ۔ اوپارے کہ جوہری ٹیکنالوجی رکھ، صاف و ہڑزان اف، اونا حکومت قدرتی گیس ، شمسی و تہو انا توانائی تون اوار متبادل توانائی ذریعہ غاتے مون آ دیک۔
