بنجائی وزیر بنجائی تعلیم و کسبی تربیت تون برطانوی ہائی کمشنر نا اوڑدہی

اسلام آباد۔ 18 اپریل (اے پی پی) بنجائی وزیر بنجائی تعلیم و کسبی تربیت ڈاکٹر خالد مقبول صدیقی تون پاکستان اٹی برطانوی ہائی کمشنر جین میریٹ پنچ شنبے نادے آ اونا دفتراٹی اوڑدہی کرے و تعلیمی بشخ انا صوبہ غاتے گدریفنگ آن مون تروک چیلنج و وارخواہی تیا گپ وتران کرے۔ اوڑدہی ٹی سیکرٹری تعلیم محی الدین وانی و کنٹری ڈائریکٹر برٹش کونسل جیمز ہیمپسن ہم ساڑی ئسر۔ خالد مقبول صدیقی پارے کہ وزارت تعلیم اسہ ہندن ءُ پروگرام اسے آ کاریم کننگ ءِ ہرانا مسخت پاکستان اٹی تعلیمی ایمرجنسی نا پڑو کننگ ءِ۔ اوپارے کہ پاکستان اٹی اسکول آن پیشن چناتا کچ ودنگ ءِ و داویل اتون مون تننگ نا اسٹ انگا کسر اودے قومی ایجنڈا جوڑ کننگ ءِ۔ اوپارے کہ ترندی اٹ و بے قابو اربنائزیشن نا سوب آن بھلا شار تیٹی کچہ انگا آبادی تیٹی ودکی مننگ ءِ۔ اوپارے کہ ہرتعلیمی پالیسی ٹی دا کچہ انگا بادی تے گوجالنگک۔ اوداہیت ءِ پک کننگ نا اہمیت  ءِ مون آتخاکہ اسہ چناس ہم اسکول اٹی داخلہ غان سلپ۔ اوداہیت انا ستاءِ کرے کہ برطانیہ اسکول آن پیشن چناتے اسکول آتیٹی داخل کننگ اٹ کمک فراوان کننگ اٹی ءِ۔ اوپارے کہ ننے غٹ اسٹیک ہولڈر زخاص وڑاٹ عطیہ تروک آتے اسہ ہی پلیٹ فارم آ اتنگ نا گرج ءِ تانکہ غٹ کوشست آتے منظم و مربوط کننگ مرے۔ پاکستان اٹ برطانوی ہائی کمشنر جین میریٹ پارے کہ برطانیہ وپاکستان متکن آ شریدار ءِ و 1947آن کوپہ تون کوپہ ملفسا سلوک ءِ، فاصلاتی تعلیم نا کمک اٹ برطانیہ نا یونیورسٹی تیٹی پاکستانی طالب علم تے وارخواہی فراوان کننگ انگ ءِ۔