اسلام آباد۔ 17 جون (اے پی پی) وزیراعلیٰ پنجاب شہباز شریف نا سپریم کورٹ نا حکم آ جوڑ کروک آ اسیجائی جاست وپاستی ٹیم انا مون پہ مون پیشی نا وخت آ فیڈرل جوڈیشل اکیڈمی نا ایب وکیب سیکورٹی نا سخت بست و بند کننگاسس۔ جوڈیشل اکیڈمی تون گنڈوک گڑاس روڈ آتے ٹریفک کن بند کننگاسس و داکان گدرینگوک آ ٹریفک ئِ صاحبزادہ عبدالقیوم روڈ، بیکن ہاﺅس اسکول روڈ و میر ظفراللہ خان جمالی روڈ انا کنڈآ گدریفنگا۔ وزیراعلیٰ پنجاب مسلم لیگی کارندہ غاتے جوڈیشل اکیڈمی بفننگ نا پارت کریسس ولے اونا باوجود کارندہ غاتا اسہ بھلو کچ اس جمع مس۔
