اٹلی ٹی کاریم کروک آ پاکستانی تا زرراہی تس اٹی سالانہ بنداوتیا 16.4 درسد نا نمو ریکارڈ

اسلام آباد۔ 28 مارچ (اے پی پی) اٹلی ٹی کاریم کروک آپاکستانی تا زر راہی تس اٹی برجامالی سال نا اولیکو 8 تُو اٹی سالانہ بنداو تیا 16.4 درسد نا  نموریکارڈ کننگانے۔ سٹیٹ بینک نا کنڈآن دا بابت جاری کروک حسا ب وکتاب نا رداٹ برجامالی سال نا اولیکو 8 تُو اٹی اٹلی ٹی کاریم کروک آپاکستانیک 633.5 ملین ڈالر نا زرمبادلہ ملک آ مون تسر ہرا تدوک آمالی سال نا ہندا مد انا مقابلہ ٹی 16.4 درسد زیات ءُ، تدوک آ مالی سال نا ہندا مد اٹی اٹلی آن زر راہی تس نا کچ 544.2ملین ڈالر ریکارڈ کننگاسس۔ فروری ٹی اٹلی آن زر راہی تس نا کچ 73.9 ملین ڈالر ریکارڈ کننگا ہرا جنوری ٹی 82.8 ملین ڈالر و تدوک آ سال فروری ٹی 73.9 ملین ڈالر ئسر۔ یات سلے کہ برجامالی سال نا اولیکو 8 تُو اٹی سمندر پار پاکستانی تا جم زر راہی تس نا کچ 18.082 ارب ڈالر ریکارڈ کننگانے ہرا تدوک آ مالی سال نا ہندا مد اٹی 18.308 ارب ڈالر ئسر۔