اسلام آباد۔ 28 مارچ (اے پی پی) نیشنل ہائی وے اتھارٹی نا ترجمان پارے کہ ژوب۔دہانہ سرسیکشن آ پدریسہ پِر و بھلو لینڈ سلائیڈنگ اسے آن شاہراہ بلاک مسنے، سلائیڈنگ میٹریل ءِ اینک کننگ و سڑک نا بھس مروک بشخ انا جوڑ جاڑ کن کاریم کننگ ءِ، ژوب دہانہ سر این 59 سڑک ءِ ہروڑنا ٹریفک کن کلیئر کننگ اٹ کم وود 72 گھنٹہ لگک۔ پنچ شنبے نادے آ اتھارٹی نا ترجمان تینا بیان اٹی پارے کہ 27 مارچ 2024ء آ ژوب۔دہانہ سر سیکشن آ پدریسہ پِر و بھلو لینڈ سلائیڈنگ اسے نا سوب آن شاہراہ بلاک مسنے۔ ژوب۔ دہانہ سر این 50 آ بھلو سلائیڈنگ اسےنا سوب آن سڑک نا بشخ ءِ نسخان رسینگانے۔ ژوب دہانہ سر این 50 سڑک ءِ بھلو سلائیڈنگ اسے نا سوب آن ہروڑنا ٹریفک معطل مسنے۔ نیشنل ہائی وے اتھارٹی نا مشینری ءِ سائٹ آ متحرک کننگانے۔ سلائیڈنگ میٹریل ءِ اینک کننگ و سڑک نا بھس مروک بشخ انا جوڑ جاڑ کن کاریم کننگ ءِ۔ ژوب دہانہ سر این 59 سڑک ءِ ہروڑنا ٹریفک کن کلیئر کننگ اٹ کم و ود 72 گھنٹہ لگک۔ اوپارےکہ ضلعی انتظامیہ قلعہ سیف اللہ، ژوب و شیرانی آن پارت کننگانے کہ ہروڑنا ٹریفک ءِ قلعہ سیف اللہ ، لورالائی، ڈی جی خان این 70 نا گیگ بدل کسر نا کنڈآ کننگے۔ ضلعی انتظامیہ ڈی آئی تون ہم غٹ ٹریفک ءِ ڈی جی خان نا کنڈآ کننگ نا پاننگانے۔ ڈی آئی خان N-50نا مغل کوٹ سیکشن نا کنڈآ ٹریفک نا موکل تف انتئے کہ داڑآن بھلو مشینری اسے نا کلیئرنگ/خراب مروک آ بشخ انا کنڈآ نقل و حرکت اٹ مشکلات/مچی ودی مریک۔
