اسلام آباد۔ 28 مارچ (اے پی پی) سیکرٹری واپار خرم آغا 24 آن 27 مارچ اسکان اوغانستان نا دورہ ءِ کرے و اوغانستان نا وزیر واپار نورالدین عزیزی تون ہڑتوم آکنڈآتا واپار و ٹرانزٹ ٹریڈ نا باندات آتیا گپ وتران کرے۔ داہیت ءِ ترجمان دفترخارجہ ممتاز زہرہ بلوچ پنچ شنبے نادے آ داڑے پریس حوال اٹی پارے۔ اوپارے کہ فریق آک ہڑتوم آ کنڈآتا اولیتی واپاری معاہدہ، واپاری گاڈی تا ڈیور آتیکن عارضی داخلہ دستاویز (ٹی اے ڈی) نا نفاذ، ملٹی موڈل ایئرٹرانزٹ و ٹرانزٹ ٹریڈ نا بابت ویل آتا ایسری آ گپ وتران کرے۔ ترجمان پارے کہ نن دا ویل آتیا مروک آ پیش رفت آن است بڈی کینہ و اوغانستان تون واپار و الس نا نیام اٹ تعلقداری تے مون آ دننگ کن سنبرینگوک اُن۔
