اقوام متحدہ۔ 28 مارچ (اے پی پی) پاکستان کرہ ارض ءِ زند رہینگ نا قابل تخنگ نا جہانی کوشست آتا چرجوئی ٹی پلاسٹک آن کچٹی نا برخلاف گام گیج و ویسٹ مینجمنٹ سسٹم ءِ گچین کننگ نا عزم انا پوسکنی نا ءِ۔ اقوام متحدہ ٹی پاکستان نا آخبتی مندوب منیر اکرم نیویارک اٹی اقوام متحدہ، اقوام متحدہ نا ہیڈکوارٹر زاٹی زیروویسٹ نا جہانی دے (فضلہ ٹی پلاسٹک نا چٹفنگ) نا رداٹ ترکیہ نا مشن، اقوام متحدہ نا چاگڑدی پروگرام(یواین ای پی) و اقوام متحدہ نا ہیومن سیٹلمنٹس پروگرام یواین ہیبیٹیٹ نا کنڈآن دود آن تران کرسا پارےکہ پاکستان تون پلاسٹک آن کچٹی نا مون ءِ توننگ و ویسٹ مینجمنٹ سسٹم ءِ گچین کننگ نا ڈٹ ءِ۔ دا دے جہانی کہول آ فضلہ غاتے ٹھکانہ خلنگ نا بست و بند ءِ سوگوی تننگ نا اہمیت و کاریم اٹ اتنگ و پیدوار نا پائیدار وڑتے مون آدننگ ءِ تالان کیک۔ پاکستانی مندوب پارے کہ نن پلاسٹک آن کچٹی نا چیلنج نا مون ءِ توننگ کن’’لیونگ انڈس انیشی ایٹیو‘‘ نا جم فریم ورک نا رداٹ دریائے سندھ انا خڑک واقع شار تیٹی ودی مروک آ فضلہ ٹی پلاسٹک ءِ چٹفنگ نا ڈٹ آ عملدرآمد کننگ نا ارادہ تخک۔
