لاہور۔ 27 مارچ (اے پی پی) لاہور نا انسداد دہشت گردی نا خصوصی عدالت جناح ہاؤس، عسکری ٹاور جلہو و تھانہ شادمان ءِ خاخرتننگ نا دوبہ ٹی نوشتہ مسہ مقدمہ غاتیٹی بانی پی ٹی آئی نا عبوری ضمانت آتیا سماعت وکیل ناخواست آ (اینو) پنچ شنبے اسکان پدبٹے۔ انسداد دہشت گردی عدالت نا ڈیوٹی جج ارشد جاوید چارشنبے آ ضمانت آتیا سماعت کرے۔ عدالت بانی پی ٹی آئی نا ویڈیو لنک آ حاضری ءِ پورو کرفنگ کن بست وبند کننگ ناپارت کرے۔ سماعت اٹی عمران خان نا  جونیئر وکیل سماعت ءِ پدبٹنگ نا خواست کرسا عدالت ءِپارے کہ سینئر وکیل بیرسٹر سلمان صفدر اینو پیش مننگ کپک  سماعت ءِ پگہ اسکان پدبٹنگے۔ عدالت اڈیالہ جیل انا سپرنٹنڈنٹ ءِ بانی پی ٹی آئی نا ویڈیو لنک آ حاضری ءِ پک کننگ نا پارت کرسا بروک آ سماعت آ اونا وکیل بیرسٹرسلمان صفدر آن ولیل بٹنگا۔ یات سلے کہ داکان مست چار مقدمہ غاتیٹی بانی پی ٹی آئی نا عبوری ضمانت آک کنفرم مسنو۔ انسداد دہشت گردی عدالت نمبر 3 چار مقدمہ غاتیٹی دوبہ دار نا عبوری ضمانت آتے کنفرم کریسس۔

متعلقہ مضامینمصنف کی طرف سے مزید