اسلام آباد۔ 27 مارچ (اے پی پی) چیئرمین واپڈا انجینئر لیفٹیننٹ جنرل سجاد غنی (ریٹائرڈ) تدوک آ دے چینی انجینئرو کارندہ غاتون پیش بروک آ دہشت گردی نا واقعہ نا پس منظر اٹی داسو ہائیڈرو پاور پروجیکٹ نا دورہ ءِ کرے۔ اونا دورہ نا مسخت داسو ہائیڈرو پاور پروجیکٹ آ کاریم کروک آ چینی انجینئر ز و ایلو کارندہ غاتون واپڈا نا کنڈآن یکجہتی نا درشان کننگ ئس۔ خیبرپختونخوا نا علاقہ بشام نا خڑک تدوک آدے اسلام آباد آن داسو پروجیکٹ آ ہنسا چینی انجینئرز و کارندہ غاتا گڈی تے دہشت گردی نا شست کننگاسس، ہراٹی پنچ چینی انجینئرز و کارندہ وخت اس کہ اسہ ہندی اس تینا جون آن دوتے سلا۔ پاکستان اٹ متعین چینی سفیر جیانگ ژائی ڈونگ چیئرمین واپڈا تون اوار پروجیکٹ سائٹ آ چینی ورکرآتون وخت ہم گدریفے۔ چیئرمین واپڈا داسو پروجیکٹ نا کنٹریکٹر ز چین آن تعلق تخوک آ تعمیراتی کمپنی‘‘چائنا گزوبہ گروپ کمپنی’’ نا کنسٹرکشن کیمپ انا دورہ ءِ کرے۔ دہشت گردی نا ہندا است ہسون واقعہ نا مذمت ءِ کرسا اونہادی انسانی جون تا زیان آ داسو پروجیکٹ آ کاریم کروک آ چینی انجینئرو کارندہ غاتون ڈکھیائی و ہڑزخواہی نا درشانی ءِ کرے۔ اوپارےکہ دا مشکل وخت اٹی ننا ہمدردی پدسلوک آ خاہوت آتون ءِ۔
