راولپنڈی۔ 26 مارچ (اے پی پی) سیکورٹی فورس آک تربت اٹی پاک بحریہ نا ایئربیس پی این ایس صدیق آ دہشت گرد جلہو نا کوشست ءِ بے سہب کریر۔ فورس آک میرات آتا رکھ ءِ پک کرسا وخت آ و گچین ورندی تسر۔ آئی ایس پی آر نا رداٹ ایئر بیس پی این ایس صدیق تربت آ جلہو 25 و26 مارچ نا نیامی نن آ کننگا، بحری دستہ غاتا کمک کن دامون ایمون ساڑی سیکورٹی فورس آتے دمدستی متحرک کننگا، سلہہ بند فوج اناہم گرنچ گچین ورندی اسیجائی کلیئرنس آپریشن کرے، اسیجائی کلیئرنس آپریشن اٹی ہرچار آ دہشت گرد آتے خلنگا۔ دہشت گرد آتون اسہ ایلو آ سم کاری ٹی ایف سی بلوچستان نا سپاہی نعمان فرید شہید مس، 24 سال انا سپاہی نعمان فرید شہید نا تعلق مظفرگڑھ آن ءِ۔ علاقہ ٹی پین دہشت گرد آتا چٹفنگ کن کلیئرنس آپریشن برجاءِ، آئی ایس پی آر نا پاننگ ءِ کہ سلہہ بندفوج ملک آن دہشت گردی نا لعنت ءِ ہرقیمت آ چٹفنگ کن سنبرینگوک ءِ۔
