اسلام آباد۔ 26 مارچ (اے پی پی) اسپیکر قومی اسمبلی سردار ایاز صادق و ڈپٹی اسپیکر سید غلام مصطفی ٰ شاہ نیول ایئر بیس پی این ایس صدیق تربت آ دہشت گرد آتا جلہو نا مذمت ءِ کرسا شہید سپاہی نعمان فرید نا شہیدی آ خراج عقیدت پیش کرینو۔ سے شنبے نادے آ تینا جتا جتا بیان تیٹی اوفک جلہو ءِ بے سہب کروک آسیکورٹی فورس آتا ورناتے خراج تحسین پیش کریر وخت اس کہ شہید سپاہی نعمان فرید نا دہشت گرد آتا بہادری اٹ مقابلہ ءِ کننگ آخراج عقیدت پیش کرسا شہیدنا خاہوت تون ہمدردی و ہڑزخواہی نا درشانی ءِ کرے۔ اسپیکر پارے کہ سلہہ بند فوج وخت آ کارروائی کرسا ایئربیس ءِ بھلو نسخان اسے آن رکھ کرینے۔ اوپارے کہ دہشت گردی نا برخلاف جنگ اٹی مچ آ قوم سیکورٹی فورس آتون سلوک ءِ، قوم ملک آن دہشت گردی نا چٹفنگ کن سنبرینگوک ءِ، دہشت گرد لغورکارروائی تا کمک اٹ ملک اٹی امن ءِ لتاڑنگ اٹ لگوک ءُ۔ اسپیکر و ڈپٹی اسپیکر اللہ تعالیٰ آن شہید نا درجہ غاتا بڑزی وخاہوت کن صبر وجمیل نا دعاکریر۔
