واشنگٹن۔ 26 مارچ (اے پی پی) امریکہ ٹی پاکستان نا سفیر مسعود خان روسی سفارت خانہ نا دورہ ءِ کرے و ماسکو نا کروکس سٹی ہال آ مروک آ دہشت گرد جلہو اٹی مروک آ جونی نسخان تیا ہڑزخواہی کرے۔ داجلہو اٹی 139 بندغ زوال و 100 آن زیات ٹھپی مسر ہرانا زمواری ءِ داعش امناکرے۔ پاکستان نا سفیر ہڑزخواہی کتاب اٹی نوشتہ کرے کہ اینو روس انا غم ننا غم ءِ انتئے کہ پاکستان ءِ ہم وار وار دہشت گردی ناشست کننگانے۔ اوہڑزخواہی کتاب اٹی نوشتہ کرے کہ پاکستان دہشت گردی نا ہرحال اٹ مذمت ءِ کیک۔ پاکستانی سفیر مسعود خان نا بننگ آ اونا روسی ہم منصب اناتولی انتونوف اودے بخیرکرے۔ پاکستانی سفیر پارے کہ نن دا سانحہ نا بہادری، وقار و صبر اٹ مون تننگ آ روسی الس ءِ سلام پیش کینہ۔
