اسلام آباد۔ 26 مارچ (اے پی پی) بنجائی وزیر پیٹرولیم ڈاکٹر مصدق ملک پارینے کہ تاپی ڈٹ پاکستان نا توانائی گرج آتیکن بھاز اہم ءِ۔ اوداخیال آتا درشانی ءِ سے شنبے آ داڑے ترکمانستان نا سفیر عطاجان مولاموف تون گپ وتران کرسا پارے کہ ہرابنجائی وزیر پیٹرولیم تون داڑے اوڑدہی کرے و وزارت نا قلمدان ءِ سنبھالنگ آمبارکبادی تس و نیک است خواہی نا درشانیءِ کرے۔ ڈاکٹر مصدق ملک پارے کہ تاپی ڈٹ آ کاریم نا تسلسل ءِ برقرار تخنہ، تاپی ڈٹ پاکستان نا توانائی گرج آتیکن بھاز اہم ءِ، تاپی ڈٹ انا زوت پوروی ساڑی حکومت نا اولیت ءِ۔ ترکمانستان نا سفیر پارے کہ بروک آ تُو پیرس اٹی ترکمانستان انرجی فورم ن اڈہلنگ ءِ۔ ترکمانستان نا سفیر ڈاکٹر مصدق ملک ءِ فورم اٹ بشخ ہلنگ ناسلہ خلک۔
