کوئٹہ۔ 26 مارچ (اے پی پی) ایڈیشنل ڈپٹی کمشنر خضدار رحمت اللہ مراد بلوچ شاری اسے نا غاو آ کارروائی کرسا قصاب اسے دزگیر کرسا سینٹر جیل آ گدریفے۔ ایڈیشنل ڈپٹی کمشنر خضدار رحمت اللہ مراد بلوچ خضدار بازار نا دورہ ءِ کرے ، متکن آ سوزی منڈی سُومارکیٹ اٹی چیکنگ نا وخت آ اسہ شاری اس برسا غاوکرے قصاب اودے کبین پاننگ ءِ و سرکاری ریٹ انا پاننگ آ بدتمیزی کننگ ءِ ہرانا دمدستی نوٹس ءِ ہلسا ایڈیشنل ڈپٹی کمشنر خضدار قصاب ءِ دزگیرکرے۔ اوکان پد قصاب نا سمری ٹرائل کننگا گواہ و شاہدی تا بناآ ڈوہ پک مننگ نا سوب آن قصاب ءِ 3 دے اناسزا بنفسا سینٹرل جیل آ گدریفنگانے۔
