کوئٹہ۔ 25 مارچ (اے پی پی)وزیراعلیٰ بلوچستان میر سرفراز بگٹی تون بلوچستان اسمبلی نا باسک حاجی علی مدد جتک و میر لیاقت لہڑی ئسک اوڑدہی کریر۔ اسمبلی نا باسک آک وزیراعلیٰ بلوچستان میر سرفراز بگٹی ءِ بلوچستان یونیورسٹی نا ملازم آتا تنخواہ و ایلو ویل آتیان سرجمی وڑاٹ معلومدار کریر۔ وزیراعلیٰ بلوچستان میر سرفراز بگٹی پارے کہ بلوچستان یونیورسٹی نا ملازم آتا تنخواہ و ایلو ویل آتے ایسر کننگ کن دمدستی گام گیج کننگک۔ وزیراعلیٰ اسمبلی نا باسک میر لیاقت لہڑی، حاجی میر علی مدد جتک، میر عبیداللہ گورگیج، پرنس آغا عمر آ تالان 4 باسکی کمیٹی اس جوڑ کرے ہرا بلوچستان یونیورسٹی نا ملازم آتون اوڑدہی کرسا اوفتا ویل آتے معلومدار کرسا وزیراعلیٰ ءِ معلومدار کیک۔
