اسلام آباد۔ 25 مارچ (اے پی پی) اسپیکر قومی اسمبلی سردار ایاز صادق و ڈپٹی اسپیکر سید غلام مصطفیٰ شاہ ہولی نا تہوار آ ہندو پارلیمنٹ نا باسک و ہندو برادری ءِ مبارکبادی ترساپارینو کہ ہولی رنگ، روشنائی و امن نا آشتی نا خوشی نا د ے ءِ۔ دوشنبے نادے آ تینا تہنیتی کلہو اٹی اوفک پاریر کہ داخوشی نا وخت آ ہندو برادری نا خوشی تیٹی بریبر نا شریک اُن۔ ملک انا شونداری و شونہالی کن پاکستان اٹ رہینگوک آ ہندو برادری نا خذمت آک ستاکڑزہ۔ ملک اٹی رہینگوک آ ہندو برادری زند انا غٹ بشخ آتیٹی نمان خذمت سرتننگ ءُ۔ آئین پاکستان نا رداٹ پاکستان اٹ رہینگوک آ غٹ مذہب آتا منوک آتے تینا مذہب، عقیدہ و رسم و رواج نا رداٹ زند ءِ تیر کننگ نا پورو آجوئی دوئی ءِ۔ پاکستان چندی مذہب و عقیدہ غاتا منوک آتا گہوار ہ ءِ۔ ملکی شونداری ، قومی سیوت و ہم گرنچی ٹی ہندو برادری ناکڑد ستاکڑزک۔
