اسلام آباد۔ 25 مارچ (اے پی پی) وزیراعظم محمد شہباز شریف ہندو برادری ءِ ‘‘ہولی’’ نا تہوار نا مبارکبادی ترساپارینے کہ ننے گمر ءِ کہ پاکستان چندی عقیدہ، چین، دودوربیدہ وبولی تا زیبا غا امتزاج ءِ، ببو نن غٹ اواری اٹ ملکی شونداری و شونہالی نا اسیجائی ہدف کن کاریم کین۔ وزیراعظم آفس نا پریس ونگ انا رداٹ وزیراعظم محمد شہباز شریف ہولی نا وخت آ تینا کلہو اٹی پارے کہ مچ آ دنیا خاص کر پاکستان اٹی رہینگوک آ ہندوبرادری نا بندغ آتے رنگ آتا تہوار، ‘‘ہولی’’نا خوشی نا وخت آ مبارکبادی ایتیوہ، ننے گمر ءِ کہ پاکستان چندی عقیدہ، چین و دودوربیدہ و بولی تا زیباغا امتزاج ءِ ، ببو نن غٹ اواری اٹ ملکی شونداری و شونہالی نا اسیجائی ہدف کن کاریم کین۔ وزیراعظم پارے کہ ای دعاکیوہ کہ موسم بہار نا بننگ ننا غٹ اکن پوسکن آ بنا، اومیت و خوشی تا کلہو اس مرے۔
