بیجنگ۔ 14جون (اے پی پی) چین پاکستان نا قومی مفاد نا رکھ و ریاستی سوگوی نا پبی مخ تفی ئِ کیک۔ ذرائع ابلاغ چین نا وزارت خارجہ نا ترجمان لوکینگ نا بابت پارینے کہ چین شاری تا برخلاف غٹ انتہاءپسندانہ گام گیج و دہشت گردی نا غٹ وڑوڈول آتا برخلاف پبی مذمت ئِ کیک۔ چارشنبے نا دے چینی وزارت خارجہ نا ترجمان پارے کہ چین دہشت گردی و انتہاءپسندی نا غٹ وڑوڈول آتا پبی مذمت ئِ کرسا پاکستان نا دہشت گردی نا برخلاف جنگ و اونا قومی مفاد و سوگوی کن تینا پبی مخ تفی آ سلوک ئِ و آخبت اٹی ہم دا مخ تفی پبی عزم اتون برجاءتخنگک۔ اوپارے کہ ڈیہہ و داڑآن پرامن و سوگوی ئِ المی جوڑ کننگ کن چین جہانی برادری تون تینا کمکاری ئِ برجاتخک و تینا کوشست آتے پین ودفک۔ اسہ سوج اسے نا ورندی ٹی ترجمان پارے کہ او پاکستان تون چینی جوڑی نا برمتہ نا معاملہ غا خڑکی رابطہ ٹی ئِ۔
