ریاض۔13جون(اے پی پی) سعودی عرب ئِ حکومت ئَ امریکی صدر دونلڈ ٹرمپ ئِ اے بیانئَ را وش اَتک کتگ کہ ایشی ئِ تہا آئی ئَ گتر ئِ سرئَ یک رندے پدا زور پِر داتگ کہ آ ناشرکاری ئِ مالی کمک ئَ را زوتاں چہ زوت بند کنگ بہ بیت۔ العربیہ ٹی وی ئِ گشگ ئِ ردئَ سعودی کابینہ ئِ اجلاس ئَ پد جاری کتگیں بیان ئِ تہا گشگ بوتگ کہ ریاض حکومت ،امریکی صدر ٹرمپ ئِ گتر ئِ ھوالگئَ لوٹ ئِ وش اَتک ئَ کنت۔ بیانئِ تہا گشگ بوتگ کہ امریکی صدر ئَ یک رندے پدا گترئَ گوں ناشرکاری ئِ فنڈئَ را دارگ ئِ لوٹ کنگئَ ھوار ناشرکاری ئِ ھلاپ جنگ ئَ سعودی عرب ئِ ازمتءُ قربانی آناں ساڑاتگ۔حکومت ئِ گشگ اِنت کہ ناشرکاری ئِ ھلاپ ئِ جنگ ئَ امریکا ءُ سعودی عرب ئِ موقف یک اِنت۔ سعودی عرب ناشرکاریءُ بیم کاری ئِ ھلاس کنگئِ ھاترئَ خطہ ئِ تہا دراج بھریں امنءُ ایمنی ءُ مھکمی ئِ ھاترئَ ھم کوشستاں جاری کنت۔ سعودی کابینہ ئِ اجلاس خادم الحرمین الشریفین شاہ سلمان ئِ سروکی ئَ بوتگ۔ اجلاس ئِ تہا گتر ئِ سفارتی بائیکاٹےءُ امیر کویت الشیخ جابر صباح الاحمد الجابر الصباح ، پاکستانی مزن وزیر محمد نواز شریف ئِ نیمگ ئَ چہ فریقین آنی تہا مصالحتی کوشستانی سرئَ ھم چارءُ بچار کنگ بوتگ۔
