واشنگٹن۔ 13جون (اے پی پی) امریکی صدر ڈونلڈ ٹرمپ پارینے کہ عرب و مسلمان ملک آتا کنڈآن خلیجی ریاست قطر ئِ دہشت گردی نا کمکاری آ سفارتی بائیکاٹ نا دروشم اٹی سزا تننگ نا فیصلہ گچین ئُ گام اسے۔ مائیکرو بلاگنگ ویب سائٹ، ٹوئٹر ، آ پوسٹ کروک اسہ بیان اسے ٹی صدر ٹرمپ پارینے کہ او قطر و خلیجی ملک آتا نیام اٹ ودی مروک آ جھیڑہ ئِ خننگ اٹی ئِ۔ قطر ئِ دہشت گردی نا مالی کمکاری نا چرجوئی ئِ بند کروئی مریک۔ امریکی صدر پارے کہ دہشت گردی نا فنڈنگ نا برخلاف جنگ سرسہبی اٹ ہمکنار مریک۔ داکان مست اسہ پین بیان اسے ٹی صدر ٹرمپ پارے کہ اونا ملک دہت گرد آتے پناہ تننگ و اوفتا مالی کمک ئِ کننگ نا ردعمل اٹی بائیکاٹ نا فیصلہ غاتا خیرمقدم ئِ کیک۔
