اسلام آباد۔ 11جون (اے پی پی)بنجائی حکومت سرکاری بشخ انا شونداری پروگرام (پی ایس ڈی پی) نارداٹ 681.32ارب روپئی نا شونداری فنڈ جاری کرینے وخت اس کہ اینخو مالی سال 2016-17ءکن پی ایس ڈی پی نا رداٹ 800ارب روپئی نا شونداری بجٹ جتا کننگاسس۔ ہنداوڑ جاری مالی سال اٹی 2جون 2017ءاسکان جم اٹنگا بجٹ نا کم و ود 85.2درسد نا بریبری شونداری فنڈ جاری کننگانے۔ ڈٹ بندی کمیشن نا حساب وکتاب نا رداٹ بروک آمالی سال 2017-18ءنا بجٹ اٹی پی ایس ڈی پی نا بجٹ آ نظرثانی کرسا دادے 715.1ارب روپئی اسکان کم کرینے ہرا کم و ود 10.6درسد جوڑ مریک۔ رپورٹ نا رداٹ اینخو مالی سال اٹی پی ایس ڈی پی نا رداٹ 681ارب روپئی آن زیات شونداری فنڈ جاری کننگانے ہراڑآن شونداری ڈٹ آتا بروخت پوروی ٹی کمک رسینگک۔
