اسلام آباد۔ 11جون (اے پی پی) محکمہ موسمیات نا رداٹ بروک آ 24گھنٹہ ٹی ملک انا گیشتر علاقہ غاتیٹی موسم باسن و پِرکپک ولے بنوں ، کوہاٹ، سرگودھا، ڈی آئی خان، ہزارہ، راولپنڈی، گوجرانوالہ، لاہور، فیصل آباد، ساہیوال، ملتان ، ڈی جی خان، بہاولپور ڈویژن، فاٹا، اسلام آباد ، گلگت بلتستان و کشمیر اٹی گڑاس ہند آتیا ترند تہو و ہورہ و گروک تون پِر انا گمان ئِ ۔ رپورٹ نا رداٹ گدرینگوک آ 24گھنٹہ ٹی راولپنڈی، گوجرانوالہ، سرگودھا، ڈی جی خان، ملتان ، مالاکنڈ ، ہزارہ ، کوہاٹ ڈویژن، اسلام آباد گلگت بلتستان و کشمیر اٹی گڑاس ہند آتیا ترند تہو و ہورہ و گروک تون پِر مس وخت اس کہ ملک انا ایلو علاقہ غاتیٹی موسم باسن و پِر کتنے۔ غٹ آن زیات پِر چکوال اٹی 61 می میٹر، گجرات11، مری 08، منڈی بہاﺅالدین 04سرگودھا، منگلا02، ڈی جی خان، جہلم ، سیالکوٹ اسٹ، کاکول06، بالاکوٹ05، کوہاٹ، دیر 02، راولاکوٹ04 و بگروٹ اٹی 04ملی میٹر ریکارڈ کننگانے۔
