اسلام آباد۔ 11جون (اے پی پی) شنگھائی کمکار تنظیم (ایس سی او) ٹی اوار مننگ آن قومی معیشت آ مثبت زئم تمک و ون بیلٹ ون روڈ ڈٹ انا رداٹ تنظیم نا باسک ملک آتیٹی پاکستان ئِ بنداوی اہمیت دوئی مریک۔ بنجاءایوان ہائے صنعت و واپار نا ریجنل قائمہ کمیٹی نا چیئرمین احمد جواد یک شنبے نا دے ”اے پی پی“ تون خصوصی ہیت وگپ کرسا پارے کہ تنظیم نا باسک جوڑ مننگ آن پاکستان دہشت گردی و انتہاءپسندی تون ہم گچین وڑاٹ مون تننگ کیک۔ اوپارے کہ ایس سی او نا باسک ملک آتا آبادی دنیا نا جم اٹنگا آبادی نا اسہ چارک اسے نا بریبر ئِ و باسک مک آک دنیا آن انتہاءپسندی و دہشت گردی نا چٹفنگ اٹی بنداوی کڑد ادا کننگ کیرہ ہراڑآن نئے بیرہ سویلی ایشیاءنا ڈیہہ آن بلکن جہانی کہول آ نیزگاری نا چٹفنگ اٹی کمک رسینگک۔

متعلقہ مضامینمصنف کی طرف سے مزید