قصور۔ 11جون (اے پی پی) پاکستان مسلم لیگ (ن) نا باسک قومی اسمبلی ملک رشید احمد خان پارینے کہ مسلم لیگ (ن) نا سروکی ٹی ملک شونداری نا کسرآروان ئِ، سی پیک ڈٹ آن ڈیہہ ٹی بھلو بدلی اس و پاکستان نا معیشت اٹی گچینی بریک، حکومت ملک ئِ شونداری نا کسر آ روان کرینے۔ تینا ڈیرہ غا افطار ڈنر پارٹی نا دود آن پارٹی ورکر و میڈیا نا نمائندہ غاتون ہیت وگپ کرسا اوپارے کہ نن ڈکھیا انسانیت نا خذمت ئِ عبادت سمجھنہ ۔ (ن) لیگ الس نا جماعت ئِ و السی پت آ پورو سلنگ ئِ ، روچہ بازارتیٹی الس ئِ گچین ریلیف تننگ انگ ئِ۔ اوپارے کہ نن ملکی بقاءو شرحالی نا سیاست ئِ مون آ درسا الس نا است ئِ کٹانن و مسلم لیگ (ن) نا سروکی ٹی ادارہ غاک سوگو مننگ ئُ۔ اومستی پارے کہ معذور آتے کن خذمت کارڈ جاری، ہسپتال آتا اپ گریڈیشن و اسکو ل آتا اپ گریڈیشن مسلم لیگ (ن) نا کارکڑد نا شاہدی اسے و ہمودے مُر اف ہراتم پاکستان ایشیاءنا ٹائیگر مریک و ملک انا معیشت سوگو انگا مریک۔
